పేక మేడలు

‘ఎవ్వరికీ చెప్పొద్దు’ అనే సినిమాతో నిర్మాతగా మారాడు ప్రముఖ నటుడు రాకేష్ వర్రె (Rakesh Varre). ఆ సినిమా క్రిటిక్స్ ను మెప్పించడంతో మంచి రివ్యూలు, రేటింగులు పడ్డాయి. అందువల్ల ఓటీటీకి బాగా గిట్టుబాటు అయ్యింది. ఆ సినిమా ఇచ్చిన ఎంకరేజ్మెంట్ వల్ల ‘పేక మేడలు’ (Pekamedalu) అనే మరో చిన్న సినిమాను నిర్మించాడు రాకేష్. దీనిని కూడా ప్రమోట్ చేసి ప్రేక్షకుల ముందుకు తీసుకురాబోతున్నాడు. సక్సెస్ ఫుల్ ప్రొడ్యూసర్ ధీరజ్ మొగిలినేని (Dheeraj Mogilneni) ఈ చిత్రాన్ని రిలీజ్ చేస్తుండటం.. అలాగే ప్రీమియర్స్ కి టికెట్ రేట్లు రూ.50 మాత్రమే పెట్టడంతో ‘పేక మేడలు’ రెండు రోజుల నుండి బాగా ట్రెండ్ అవుతుంది. మరి సినిమా ఆకట్టుకునే విధంగా ఉందో లేదో తెలుసుకుందాం రండి :

కథ : బీటెక్ చదివినప్పటికీ … చదువుకు తగ్గ ఉద్యోగం చేయకుండా రియల్ ఎస్టేట్ బ్రోకర్ గా పనిచేస్తూ ఉంటాడు లక్ష్మణ్(వినోద్ కిషన్  (Vinod Kishan) ).షార్ట్ కట్లో కోటీశ్వరుడు అయిపోవాలి అనేది అతని అత్యాశ.పెళ్ళై ఒక కొడుకు ఉన్నప్పటికీ.. ఏమాత్రం బాధ్యతగా వ్యవహరించడు. పైగా అతని భార్య వరలక్ష్మీ(అనూష కృష్ణ (Anoosha Krishna)) మురుకులు వంటి పిండి వంటలు చేసి షాపులన్నీ తిరిగి అమ్మి తెచ్చిన డబ్బుని కూడా తన తాగుడు కోసం, సిగరెట్ల కోసం వాడేస్తూ ఉంటాడు. అంతేకాదు తన భార్య కర్రీ పాయింట్ కోసం డబ్బు అడిగితే..

ఆమె పేరు చెప్పి అప్పు తీసుకుని జల్సాల కోసం ఖర్చు పెట్టేస్తాడు. అలాంటి టైంలో ఓ ఎన్నారై ఆంటీ (రితిక శ్రీనివాస్) (Rethika Srinivas) ని ట్రాప్ చేసి.. ఆమె వద్ద డబ్బు కొట్టేయాలని ప్రయత్నిస్తాడు. అందుకోసం తన భార్య, పిల్లాడిని వదిలించుకోవాలి అనుకుంటాడు. ఈ విషయం తన భార్యకి, అలాగే అతని అత్తమామలకు తెలుస్తుంది. ఆ తర్వాత లక్ష్మణ్ జీవితంలో ఎలాంటి మార్పులు చోటు చేసుకున్నాయి.. అనేది తెరపై చూసి తెలుసుకోవాల్సిందే.